فى الوقت والزمن اللى احنا فيه ده أكتر حاجه ممكن تضايقك على الإنترنت هى سرقة حسابك على فيسبوك
وعشان كده فى طرق ممكن تعملها تحمى بيها حسابك من السرقة
حنشرح فى صندوق سمسم ازاى تحمى حسابك على فيسبوك بعد ما شركة فيسبوك وفرت أكتر من طريقة لحماية وتأمين الحسابات
طبعا انت ممكن تستخدم رسال SMS أو رسايل الإيميل عشان ترجع حسابك تانى
بس فى طريقة كويسة جدا عملتها شركة فيسبوك للمستخدمين
وهى انك تختار بعض من أصدقائك الموثوق بيهم
تقدر تختار من 3 إلى 5 من أصدقائك على فيسبوك اللى انت بتثق فيهم عشان يتبعت لهم رسالة متقسمة على عددهم وتقوم بتجميعها عشان تفتح حسابك تانى لو اتقفل أو اتسرق
اختار ناس من أصدقائك اللي معاك على فيسبوك تكون بتثق فيهم جدا وكمان تقدر توصلهم بكل سهولة
الخطوات أهى :
1 - اضغط على الإعدادات أو Setting
2 - اختار الأمان وتسجيل الدخول أو Security and Login
3 - اضغط على اختيار من 3 إلى 5 أصدقاء أو Choose 3 to 5 Friends to Contact
4 - اضغط على تعديل أو Edit وضيف 3 أو 5 من أصدقائك اللى بتثق فيهم
5 - اضغط تم أو Done بعد ما تضيف الناس
✅👍