لو عاوز تبطل السجاير حتبطلها ولو حتى حد حيخليك تشربها ببلاش
من الأخر السجاير مش إدمان
هى بتعطل الغدة اللى بتفرز مادة النيكوتين بنسبة معينة للجسم ولكن مش إدمان
هى دودة
أه دودة
لما تشوف واحد أدامك بيولع سيجارة انت كمان بتبقى عاوز تولع سيجارة
حتقوللى مش شرط
حقولك لأ
وندخل مع بعض فى جدال مالوش أى 30 لازمة
المهم خلينا نتكلم وبإختصار عن الموضوع اللى أنت بتقراه
إزاى تبطل السجاير ؟
بص
إقرف منها
أيوا زى مابقولك كدة إقرف منها وكأنك قرفت كدة من حاجه معينة فى حياتك ومش عاوز تعملها تانى
إشرب سوايل ياما
حلبة (عشان فيها فيتامين سى وكويسة جدا عشان الكلى) - ينسون (عشان أعصابك تهدى) - كراويه (عشان تظبتلك معدتك) - برداقوش (عشان صدرك ونفسك) - عصير برتقان (كتر منه على أد ما تقدر)
الأكل بئى
كل كويس أوى أوى
كدة كدة لما حتبطل الزفتة السجاير حتلاقى نفسك بتاكل كويس وبتنام كويس
إستحمل بس أول أسبوع
معلش سوايل كتيرة وأكل ونوم كويس
أظن دى حاجه مش وحشه يعنى ولا إيه ؟
سيبك بئى من إللى حيقوللك إنك حيجيلك صداع وزغللة وحتتعصب على الفاضيه والمليانة و.. و.. و...
كل ده هرى وخلاص
كده كده كلنا بنصدع وبنزغلل وبنتعصب من الأسعار :)
الخلاصة
لو عاوز تبطل تولع فى فلوسك وتتعب صدرك وتوجع دماغك
بطل السجاير
إنت دلوقتى بصحتك
بس صدقنى العمر بيجرى ويوم بعد يوم حتتعب
كلنا حنموت طبعا ونعمه بالله ، بس بلاش تخلى حاجه زى كدة تافهه تكون السبب فى موتك
لو عاوز تبطلها حتبطلها
أنا كده خلصت كلامى معاك
جزاك الله خيرا نسأل ألله تعالى العفو والعافية
ردحذف